کراچی: اسٹیٹ بینک نے نئی مانیٹری پالیسی کا اعلان کر دیا۔
تفصیلات کے مطابق اسٹیٹ بینک نے اگلے ڈیڑھ ماہ کیلئے شرح سود کو 22 فیصد پر برقرار رکھنے کا فیصلہ کیا ہے، مانیٹری پالیسی کمیٹی کا کہنا ہے جنوری اور فروری میں ملک کی مہنگائی میں کچھ کمی ہوئی مگر اس میں دوبارہ اضافہ دیکھا جا رہا ہے۔
کمیٹی کے مطابق کرنٹ اکاونٹ خسارے میں کمی سے معیشت میں بہتری نظر آ ر ہی ہے، کرنٹ اکاونٹ خسارے میں کمی سے غیر ملکی زرمبادلہ کے ذخائر کو برقرار رکھنے میں بھی مدد ملی جبکہ اجناس کی قیمتوں میں کمی ہوئی، مگر خام تیل کی قیمت میں اضافہ ہوا۔
اسٹیٹ بینک کے مطابق رواں مالی سال میں جی ڈی پی کی شرح دو سے تین فیصد تک رہ سکتی ہے، قیمتوں کے استحکام کو یقینی بنانے کے لیے مالیاتی استحکام کا تسلسل ضروری ہے۔
