اسٹیٹ لائف انشورنس کمپنی نے ہیلتھ کارڈ سہولت بند کرنے کی دھمکی دیدی

لاہور: اسٹیٹ لائف انشورنس کمپنی نے پنجاب حکومت کو ہیلتھ کارڈ سہولت بند کرنےکی دھمکی دےدی۔

تفصیلات کے مطابق پنجاب ہیلتھ فسیلیٹی کمپنی اور اسٹیٹ لائف انشورنس کمپنی میں تنازع ہوا، اسٹیٹ لائف انشورنس کمپنی نے پنجاب حکومت کو خط لکھ دیا۔

خط میں اسٹیٹ لائف انشارنس کمپنی نے پنجاب حکومت کو لکھا کہ فنڈز ادا نہ کیے تو یکم اپریل سے صحت کارڈ سہولت بند کردی جائے گی۔

 دستاویزات میں اسٹیٹ لائف نے لکھا کہ پنجاب حکومت نے 83 ارب روپے کے بقایاجات ادا کرنے ہیں، 125 ارب کا بجٹ مختص ہوا مگر 31 ارب کے فنڈز تاحال جاری ہوئے ہیں۔

دستاویزات میں بتایا گیا کہ 94 ارب روپے کے فنڈز تاحال جاری ہونا باقی ہیں، اسٹیٹ لائف انشورنس کمپنی نے فنڈز کی ادائیگی کے لیے 30 بار خط لکھا ہے۔

جس کے جواب میں پنجاب ہیلتھ کمپنی کے سربراہ علی رزاق نے کہا کہ پنجاب حکومت جلد تمام فنڈز جاری کردے گی۔

Comments