مسلم لیگ (ق) کے سربراہ چوہدری شجاعت حسین نے بدلتی ہوئی سیاسی صورتحال کے دروان ہونے والی ملاقات کے بارے میں کہا کہ میرا پی ڈی ایم سے نہیں آصف زرداری اور شہباز شریف سے رابطہ ہے۔
چوہدری شجاعت حسین نے اپنے بیان میں کہا کہ گزشتہ روز شہباز شریف اور آصف زرداری سےملاقات اچھی رہی، ملاقات میں اچھی باتیں ہوئیں کوئی منفی بات نہیں ہوئی اور اس طرح کے سیاسی رابطے اور ملاقاتیں 3 سے 4 روز جاری رہیں گی۔
چوہدری شجاعت کا کہنا تھا کہ میراپی ڈی ایم سےنہیں آصف زرداری اورشہبازشریف سےرابطہ ہے، پنجاب کے معاملے پر ٹینشن زیادہ بنی ہےلیکن جلد اس کا حل نکل آئےگا۔
- Advertisement -
چوہدری شجاعت کا کہنا تھا کہ مجھے عام انتخابات جلد نظر نہیں آرہے، کچھ لوگ اسمبلیاں توڑنے اورکچھ بچانے پر تلے ہیں، عمران خان عقلمند آدمی ہیں انہیں مشورےکی ضرورت نہیں ہے۔
