کراچی : کاؤنٹر ٹیرر ازم ڈیپارٹمنٹ (سی ٹی ڈی) کے عملے نے کراچی کے علاقے واٹر پمپ کے قریب دکان پر کامیاب چھاپہ مار کر اسلحہ برآمد کرلیا۔
اس حوالے سے ایس ایس پی سی ٹی ڈی ساجد سدوزئی نے اے آر وائی نیوز کو بتایا کہ چھاپے کے دوران سیاسی جماعت کے کارندوں کا چھپایا گیا اسلحہ برآمد کیا گیا ہے۔
ساجد سدوزئی نے بتایا کہ چھاپے کے دوران مرکزی ملزم فرار ہوگیا جس کی تلاش میں چھاپے مارے جارہے ہیں۔
- Advertisement -
ایس ایس پی کے مطابق برآمد ہونے والے اسلحے میں نائن ایم ایم پستول ،222رائفل ، رپیٹر اور گولیاں شامل ہیں، برآمد ہونے والے ہتھیار وارداتوں کیلئے جرائم پیشہ عناصر کو کرائے پر بھی دیے جاتے تھے۔
