کراچی: پارکو پائپ لائن سے تیل چرانے کے لیے کھودی گئی سرنگ میں دب کر 2 افراد ہلاک ہو گئے، لاشیں چھپانے کی کوشش کی گئی لیکن پولیس نے لاشیں برآمد کر لیں۔
تفصیلات کے مطابق پارکو پائپ لائن سے تیل چوری مافیا کو سرنگ بنانا مہنگا پڑ گیا، پولیس حکام کا کہنا ہے کہ پارکو پائپ لائن سے تیل چوری کرنے کے لیے سرنگ کھودی گئی تھی، تاہم سرنگ میں دب کر 2 افراد ہلاک ہو گئے۔
پولیس حکام کے مطابق ملزمان نے لاشوں کو چھپانے کی کوشش کی، تاہم پولیس نے لاشیں برآمد کر لیں اور 2 افراد کو حراست میں لے لیا ہے۔
پولیس حکام کا کہنا ہے کہ کراچی کے علاقے گلشن حدید میں ایک کار کی ڈگی سے دو نوجوانوں کی لاشیں ملی ہیں، تھانہ بن قاسم کی حدود میں پولیس اہل کاروں نے ایک کار روکنے کی کوشش کی، جس پر کار سوار گاڑی بھگانے لگا، پولیس نے کار کا پیچھا کیا اور گلش حدید میں کار کو روک لیا۔
جب کار کی تلاشی لی گئی تو ڈگی سے دو لاشیں برآمد ہو گئیں، ایک لاش کی شناخت زاہد کے نام سے ہوئی ہے، پولیس حکام کے مطابق یہ نوجوان تیل چوری کے لیے کھودی گئی سرنگ میں دب کر ہلاک ہوئے تھے۔
