آسٹریلیا کے جارح مزاج بلے باز اسٹیو اسمتھ نے سیمی فائنل میں آسٹریلیا کی شکست کے بعد ون ڈے کرکٹ سے ریٹائرمنٹ کا اعلان کر دیا۔
رپورٹس کے مطابق کرکٹ آسٹریلیا کا اس حوالے سے کہنا ہے کہ اسٹیو اسمتھ نے میچ کے بعد ساتھی کھلاڑیوں کو فوری ریٹائرمنٹ سے متعلق آگاہ کردیا تھا۔
کرکٹ آسٹریلیا کے مطابق اسمتھ ٹیسٹ اور ٹی ٹوئنٹی کرکٹ کے لیے دستیاب ہوں گے۔
کرکٹر نے کہا کہ دو ورلڈ کپ جیتنا کیریئر سب سے بڑی کامیابی ہے، یہ سفر میرے لیے بڑا شاندار رہا ہے، میں نے ہر لمحے سے پیار کیا ہے، کرکٹ سے حیران کن لمحات اور شاندار یادیں وابستہ ہیں۔
اسمتھ کا کہنا تھا ٹیسٹ کرکٹ میرے لیے ترجیح رہے گی۔ لوگوں کے پاس موقع ہے کہ وہ ورلڈ کپ 2027ء کی تیاری کریں۔
انہوں نے کہا کہ میں سمجھتا ہوں کہ میں اس وقت کرکٹ میں بہت حصہ ڈال سکتا ہوں۔ میں ورلڈ ٹیسٹ چیمپئن شپ کے فائنل کا منتظر ہوں، دورہ ویسٹ انڈیز اور پھر انگلینڈ ہوم سیریز کا منتظر ہوں۔
آسٹریلوی بیٹر نے 2010ء میں لیگ اسپنر کی حیثیت سے کیریئر شروع کیا، 170 ون ڈے میچوں 5800 رنز بنائے۔ کیریئر کے دوران 12 سنچریاں، 35 نصف سنچریاں بنائیں جبکہ 28 وکٹیں بھی حاصل کیں۔
واضح رہے کہ گزشتہ روز بھارت نے آسٹریلیا کو 4 وکٹوں سے شکست دے کر چیمپئنز ٹرافی کے فائنل میں رسائی حاصل کرلی۔
اسکواڈ بتارہا ہے نیوزی لینڈ کے دورے کے بعد شاداب کپتان بنے گا، باسط علی
بھارت نے دبئی میں کھیلے گئے میچ میں آسٹریلیا کی جانب سے دیا جانے والا 265 رنز کا ہدف 48.1 اوورز میں 6 وکٹوں کے نقصان پر حاصل کرلیا۔بھارت کی کامیابی کے بعد اب میگا ایونٹ کا فائنل دبئی میں 9 مارچ کو کھیلا
جائے گا۔
View this post on Instagram
