The news is by your side.

Advertisement

اسٹاک مارکیٹ میں شدید مندی، 903 پوائنٹس کی کمی

کراچی: کاروباری ہفتے کے دوسرے روز بھی اسٹاک مارکیٹ میں مندی دیکھنے میں آئی اور 100 انڈیکس 903 پوائنٹس کی کمی پر بند ہوا۔

تفصیلات کے مطابق ملکی  سیاسی صورتحال کے اثرات کاروباری حلقوں پر گہرے رنگ دکھانے لگے اسی وجہ سے اسٹاک مارکیٹ میں دوسرے روز بھی مندی دیکھنے میں آئی۔

اسٹاک مارکیٹ میں کاروبار کا آغاز  ہوا تو سرمایہ کاروں نے خریداری کرنے سے گریز کیا جس کے بعد مارکیٹ میں شدید مندی دیکھنے میں آئی، کاروباری دن کے اختتام پر 100 انڈیکس میں 903 پوائنٹس کی کمی ہوئی اور مارکیٹ 41 ہزار 115 پوائنٹس کی سطح پر بند ہوئی، سرمایہ کاروں کے 160 ارب ڈوب گئے۔

مجموعی طور پر مارکیٹ میں 365 کمپنیوں کے حصص کا کاروبار ہوا جن میں سے 56 کی قیمت میں اضافہ اور 296 کی قیمت میں کمی دیکھنے میں آئی جبکہ 13 کمپنیوں کے شیئرز کی قیمتوں میں کوئی ردوبدل نہیں ہوا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں