کراچی : شہریوں کی چوری شدہ یا چھینی ہوئی موٹر سائیکلیں کچرا کنڈیوں سے ملنے کا انکشاف سامنے آیا، کچرے میں کئی موٹرسائیکلوں کی باقیات موجود ہیں۔
تفصیلات کے مطابق شہرقائد میں موٹر سائیکل چوری ہونے اور چھینے جانے کے واقعات روز ہوتے ہیں۔
شہریوں کی چوری شدہ موٹرسائیکلیں گنجان علاقوں میں کھلنے لگی ، صدر کے گنجان آباد علاقے میں کچرے میں کئی موٹرسائیکلوں کی باقیات موجود ہیں
نامعلوم افراد موٹرسائیکلوں کو اٹھا کر لائے اور پارٹس کھول کر لے گئے، عینی شاہد نے بتایا کہ اکثر یہاں موٹرسائیکلوں کو لایا جاتا ہے اور پارٹس کھول کر فروخت کردیتے ہیں جبکہ انجن چیسز چھوڑ جاتے ہیں۔
خیال رہے 9 ماہ کے دوران 40 ہزار سے زائد موٹرسائیکلیں چوری یا چھینی گئی۔
چند روز قبل اے وی ایل سی پولیس نے کارروائی کرتے ہوئے موٹر سائیکل کی چوری کی وارداتوں میں ملوث 3 ملزمان کو گرفتار کرکے چار چوری شدہ موٹر سائیکلیں برآمد کیں تھیں۔
