The news is by your side.

آسٹریلیا کو بڑی آفت نے گھیر لیا، ہزاروں افراد متاثر

غیر ملکی میڈیا رپورٹ کے مطابق تیز آندھی وطوفان کے باعث بجلی کا نظام درہم برہم ہوا۔

اطلاعات کے مطابق متاثرہ علاقے میں چار لاکھ 23 ہزار کے قریب بجلی کے جھٹکے ریکارڈ کئے گئے جس کی باعث کم وبیش 76 ہزار صارفین کو بجلی کی فراہمی معطل ہوگئی ہے۔

ریاستی ایمرجنسی سروس (ایس ای ایس) کے مطابق متاثرہ علاقے سے ایک ہزار سے زیادہ کالیں موصول ہوئیں اس کے علاوہ ایک چھوٹے گردابی طوفان کے ایڈیلیڈ کی پہاڑیوں سے ٹکرانے، درختوں کے گرنے اور گھروں کو نقصان پہنچنے کی اطلاع ملی ہیں۔

یہ بھی پڑھیں: فلپائن میں آندھی اور طوفان، 98 ہلاک

حکام کا کہنا ہے کہ متاثرہ علاقوں میں بجلی بحالی میں چوبیس گھنٹے درکار ہیں۔

ادھر متاثرہ شہری نے غیر ملکی میڈیا کو بتایا کہ علاقے میں سمندری طوفان نے تباہی مچارکھی ہے، میں نے ایسا طوفان کبھی نہیں دیکھا۔

آسٹریلوی محکمہ موسمیات کے مطابق نئے موسمی سسٹم سے مزید بارشوں کا امکان ہے جس سے سیلاب کا بھی خطرہ ہے۔

Comments

یہ بھی پڑھیں