تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

مصر میں عجیب و غریب ‘مخلوق’ نے خوف و ہراس پھیلا دیا

قاہرہ: مصر میں عجیب و غریب ‘مخلوق’ نے لوگوں میں خوف و ہراس پھیلا دیا ہے۔

تفصیلات کے مطابق مصر میں سوشل میڈیا پر ایک تصویر وائرل ہونے کے بعد لوگوں میں خوف و ہراس پھیل گیا ہے، لوگ سر شام گھر کے دروازے اور کھڑکیاں بند کرنے لگے ہیں۔

سوشل میڈیا پر وائرل تصویر میں ایک عجیب و غریب مخلوق دکھائی گئی ہے جو ایک بڑے بچھو جیسی لگتی ہے، کہا جا رہا تھا کہ یہ عجیب مخلوق مصر، لیبیا اور تیونس میں پائی جاتی ہے۔

مصر کے ایک مقامی جریدے عکاظ کے مطابق اس تصویر نے مقامی لوگوں میں خوف و ہراس پھیلا دیا ہے، لوگوں میں یہ بات مشہور ہو گئی ہے کہ مصر میں یہ مخلوق بکثرت پائی جاتی ہے اور یہ بہت خطرناک بچھو ہے۔

تصویر میں دیکھا جا سکتا ہے کہ مخلوق کی شکل بچھو اور مکھڑی جیسی ہے لیکن اس کی ایک لمبی دم بھی ہے۔

ذرایع ابلاغ کے مطابق مصر کے ساحلی شہروں میں رہنے والے لوگوں نے اس کے ڈر سے سر شام ہی گھروں کے دروازے اور کھڑکیاں بند کرنا شروع کر دیا ہے، کئی لوگوں نے کھڑکیاں اور بالکنیاں بھی عجیب و غریب بچھو کے خوف سے سیل کر دیں۔

تاہم ایک مصری ویب سائٹ نے کہا ہے کہ سکندریہ اور ساحلی شہروں میں خوف پھیلانے والی اس مخلوق کا کوئی وجود نہیں ہے، ویب سائٹ کا یہ بھی کہنا ہے کہ یہ ایک فوٹوگرافر کا کمال تھا، جس نے پلاسٹک سے بنا یہ کھلونا دروازے پر اس طرح رکھ کر تصویر بنائی کہ یہ اصلی محسوس ہونے لگا۔

تصویر بنانے والے اٹالین فوٹو گرافر کو فیس بک کے ذریعے تلاش کیا گیا جس نے اپنے فیس بک پیج پر اسے پوسٹ کیا تھا، اس نے حقیقت سے پردہ اٹھاتے ہوئے اعتراف کیا کہ یہ پلاسٹ کی ڈمی ہے جو فکشن فلم کو دیکھ کر بنائی گئی ہے۔

Comments

- Advertisement -