The news is by your side.

Advertisement

امریکہ : گھر میں سوئے ہوئے بچوں کے ساتھ انہونی ہوگئی

ورجینیا بیچ : امریکی ریاست ورجینیا میں گھر میں سوئے ہوئے دو بچوں پر قیامت ٹوٹ پڑی، نامعلوم سمت سے آنے والی اندھی گولی کھڑکی کا شیشہ توڑتی ہوئی اندر آگری۔

تفصیلات کے مطابق امریکی ریاست ورجینیا کے علاقے ورجینیا بیچ میں واقع ایک گھر میں اس وقت آفت ٹوٹ پڑی جب رات کو ایک اندھی گولی کھڑکی سے ٹکرا کر شیشہ توڑتی ہوئی بچی کے بستر میں آگری۔

بچی کی ماں جولی جانسن کا کہنا ہے کہ تقریباً رات دو بجے میری بیٹی گھبرائی ہوئی میرے پاس آئی اور مجھے جگا کر کہا کہ ماما ہمیں کوئی جان سے مارنا چاہتا ہے۔

تو اس پر میں نے اس سے کہا کہ ایسی کوئی بات نہیں، باہر آتش بازی ہورہی ہے اور یہ ساری رات چلتی رہے گی، لیکن جب میں نے دیکھا کہ اس کمرے کی کھڑکی شیشہ ٹوٹا ہوا ہے اور اس کے ٹکڑے میری بیٹی کے بستر پر پڑے ہوئے ہیں تو میں گھبرا گئی۔

غیر ملکی خبر رساں ادارے کے مطابق جولی جانسن نے پولیس کو بتایا کہ گولی کھڑکی کے فریم کو چیرتی ہوئی بیڈ کی لکڑی کو لگی اگر وہ ایک انچ بھی اوپر یا نیچے ہوتی تو وہ میرے بیٹے یابیٹی کو لگ سکتی تھی۔

بچوں کی والدہ کا کہنا ہے کہ وہ سمجھتی ہے کہ یہ یوم آزادی کے موقع پر ہونے والے جشن میں ہوائی فائرنگ سے یہ گولی لگی ہوگی۔

بچوں کی والدہ نے اپنے گھ کے باہر احتجاجی پوسٹترز بھی آویزاں کیے ہوئے ہیں جن پر درج ہے کہ آپ کی حماقت نے میرے بچوں کو تقریبا مار ڈالا۔ جو بھی اس واقعے کے ذمہ داران کے بارے میں کچھ جانتا ہے تو ہمیں ضرور آگاہ کرے۔

Comments

یہ بھی پڑھیں