بھارت میں بہار کے سیوان میں ایک پاگل کتے نے خوف و ہراس پھیلا دیا، کتے نے 70سے زائد افراد کو کاٹ کر شدید زخمی کردیا۔
بین الاقوامی خبر رساں ادارے کی رپورٹ کے مطابق گزشتہ 24 گھنٹے کے دوران پاگل کتے نے گاؤں کے تقریباً 70 افراد کو کاٹ کر زخمی کیا، زخمیوں کو فوری طور پر اسپتال منتقل کیا گیا ہے۔
رپورٹ کے مطابق اہل علاقہ کا کہنا ہے کتے کی وجہ سے سبھی دہشت میں مبتلا ہیں، جس کو قابو کرنے کے لئے انتظامیہ نے تاحال کوئی اقدام نہیں اُٹھایا ہے۔
ریفرل اسپتال کے میڈیکل انچارج ڈاکٹر سنجیو کمار سنگھ نے بتایا کہ پیر اور منگل کو اسپتال میں تقریباً 51 زخمیوں کو اینٹی ریبیز انجکشن لگایا گیا ہے۔ ساتھ ہی انھیں اینٹی ریبیز کی مکمل خوراک لینے کا مشورہ بھی دیا گیا ہے۔
اطلاعات کے مطابق مرزاپور، سلیم پور، نرہن، راج پور، لکشمی پور، مرارپٹی اور گمبھیرار گاؤں میں کتے کے کاٹنے کے باعث تقریباً 70 لوگ زخمی ہو ئے ہیں۔
جنوبی کوریا میں کتے کے گوشت پر مکمل پابندی لگائے جانے کا امکان
عینی شاہدین کا کہنا ہے کہ گزشتہ 24 گھنٹے کے دوران کتے کے کاٹنے سے متاثر ہونے والے افراد کی تعداد 70 سے زیادہ ہوسکتی ہے، کیونکہ کئی کے بارے میں تو پتہ بھی نہیں چل سکا ہے۔
