کراچی: اسٹریٹ کرائمز کا شکار ہونے والے شہریوں میں 100 سے زائد موٹر سائیکل تقسیم کرنے کی تقریب ہوئی۔
تفصیلات کے مطابق گورنر سندھ کامران ٹیسوری نے متاثرہ افراد میں موٹر سائیکلیں اور چیک تقسیم کیے۔ اس موقع پر گورنر سندھ کا کہنا تھا کہ سوشل میڈیا پر میرے خلاف غلط چیزیں چلائی جارہی ہیں، میں خاموش ہوں مجھے خاموش رہنے دیا جائے۔
کامران ٹیسوری نے کہا کہ کراچی میں اسٹریٹ کرائمزمیں جاں بحق افراد کے لواحقین سے معافی مانگتا ہوں، مجبور نہ کیا جائے کہ تمام حقائق سے چیف جسٹس کو خط لکھ کر آگاہ کروں۔
- Advertisement -
انھوں نے کہا کہ میرے اچھے کاموں کو خراب کرنے کے لیے جھوٹا بیانیہ بنایا جارہا ہے۔ میرے آئی ٹی منصوبے سے مخالفین ڈرے ہوئے ہیں۔
گورنرسندھ کامران خان ٹیسوری کا مزید کہنا تھا کہ وزیراعظم شہباز شریف نے کہا ہے ایک سال میں سیف سٹی مکمل ہو جائے گا۔
