کرونا وائرس کے وارد ہونے سے انسانی زندگی میں کافی تناؤ پایا جاتا ہے جس کے باعث بڑی تعداد میں لوگ دماغی بیماریوں میں مبتلا ہورہے ہیں۔
پاکستان میں عموما لوگ اپنی ذہنی صحت کے بارے میں زیادہ آگاہی نہیں رکھتے اور اس پر بات کرنے سے کتراتے ہیں جو کہ انسانی صحت کے لئے انتہائی خطرناک ثابت ہوسکتی ہے۔
ایک محتاط اندازے کے مطابق مردوں کے مقابلے میں خواتین زیادہ ذہنی مسائل سے دوچار ہوتی ہیں جس کی اہم وجہ کام کا دباؤ، رشتوں میں تناؤ، دل کی بیماریاں اور تھائیرائیڈ کینسر اہم عنصر ہیں۔
اس کے علاوہ خواتین میں فکرمندی، ناامیدی، ضرورت سے زیادہ خوف کا عنصر پایا جاتا ہے، جس کے باعث وہ اپنے روزمرہ کے کاموں میں دلچسپی نہیں لے پاتیں۔
دماغی کمزوری یا دماغی صحت کے بارے میں کسی شخص کو حقیقت سے آگاہ کرنا سب سے مشکل کام ہے یہی وجہ ہے کہ ایسی بیماری کے شکار افراد کم ہی اپنا علاج کرواتے ہیں، زیادہ تر افراد اس بات کو قبول کرنے سے ہی انکار کردیتے ہیں کہ وہ دماغی طور پر عام انسان کے مقابلے میں صحت مند نہیں ہیں۔
دماغی صحت پر نظر رکھنے والے ماہرین کا ماننا ہے کہ انسان کو ذہنی تناؤ سے نکلنے کی ذمے داری خود اٹھانی ہوگی، جس کے لئے انہیں اپنے مصروف شیڈول سے وقت نکالنا ہوگا اور اپنی فیملی کو وقت دینا ہوگا۔
ماہرین کے مطابق ان عوامل کو اپناتے ہوئے ہر فرد خود کو ذہنی تناؤ سے باہر نکال سکتا ہے
جسمانی طور پر متحرک رہیں، دوسروں کے ساتھ جڑیں رہیں۔
فیصلہ کریں کہ آپ کو کیا مقصد ملتا ہے اور اس کا پیچھا کریں، مقابلہ کرنے کی نئی مہارتوں کو تلاش کریں اور ان پر عمل کریں۔
مراقبہ کریں یا ذہنیت پر عمل کریں، جب آپ کو ضرورت ہو تو پیشہ ورانہ مدد طلب کرنے سے نہ گھبرائیں۔
