کراچی : شہر قائد میں سرد ہواؤں کا سلسلہ جاری ہے، محکمہ موسمیات نے دن میں معمول سے تیزہوائیں چلنے کا کی پیش گوئی کی ہے۔
تفصیلات کے مطابق کراچی میں سردی کی لہر برقرار ہے ، محکمہ موسمیات نے دن میں معمول سے تیزہوائیں چلنے کا امکان ظاہر کردیا۔
محکمہ موسمیات کا کہنا ہے کہ صبح سے کراچی میں سرد ہواؤں کا سلسلہ جاری ہے، آج دن میں موسم خشک اور رات میں سرد رہے گا۔
- Advertisement -
دن میں ہوا35 سے 40 کلومیٹرفی گھنٹہ کی رفتار سے چلنے کا امکان ہے اور درجہ حرارت 25 سے 27 ڈگری سینٹی گریڈ تک رہے گا۔
دوسری جانب ملک کے بالائی علاقے آج بھی شدید سردی کی لپیٹ میں رہیں گے۔
محکمہ موسمیات نے آئندہ چوبیس گھنٹے کے دوران کوئٹہ، لاہور، اسلام آباد اور پشاور میں موسم شدید سرد رہنے کی پیشگوئی کی ہے۔
کشمیر اور گلگت بلتستان میں کہیں کہیں بارش اورپہاڑوں پر برفباری متوقع ہے۔
