بھارت میں اپریل فول پر دوست کے ساتھ مذاق کے باعث نوجوان اپنی زندگی سے محروم ہوگیا، افسوسناک واقعہ ریاست مدھیہ پردیش کے شہر اندور میں پیش آیا۔
بین الاقوامی خبر رساں ادارے کی رپورٹ کے مطابق 11ویں جماعت کے طالب علم ابھیشیک نے اپنے دوست کو ویڈیو کال کی اور اسٹول پر کھڑے ہونے کے بعد گلے میں رسی ڈال کر خودکشی کرنے کی اداکاری کرنے لگا۔
تاہم لڑکے کو یہ اداکاری کرنا مہنگا پڑگیا، ویڈیو کال کے دوران اسٹول اپنی جگہ سے ہل کر پیروں کے نیچے سے نکل گیا اور گلے میں رسی کا پھندا لگتے ہی نوجوان اپنی جان سے ہاتھ دھو بیٹھا۔
- Advertisement -
ویڈیو کے دوران جیسے ہی نوجوان کا اسٹول سلپ ہوا تو دوست نے اہلِ خانہ کو مدد کیلیے فوراً کال کی، اسے اسپتال لے جانے کی کوشش کی گئی مگر نوجوان راستے میں ہی دم توڑ گیا۔
ڈرینج کیلئے کھودا گیا گڑھا بزرگ روزہ دار کی جان لے گیا
پولیس نے مذکورہ واقعے کا مقدمہ درج کرلیا ہے اور تحقیقات کا آغاز کردیا گیا ہے۔
