پشاور: رائیڈر پولیس اہلکاروں کی فائرنگ سے طالبعلم جاں بحق ہوگیا ، واقعے میں ملوث اہلکاروں کو گرفتار کرکے مقدمہ درج کرلیا گیا ہے۔
تفصیلات کے مطابق پشاور میں پولیس کی فائرنگ کا ایک افسوسناک واقعہ سامنے آیا، جہاں رائیڈر پولیس اہلکاروں نے چلتی گاڑی پر فائرنگ کردی ، جس کے نتیجے میں مبشر نامی طالبعلم جاں بحق ہوگیا۔
پولیس کا کہنا ہے کہ واقعہ رات 2 بجے پیش آیا، گاڑی میں بنوں کے رہائشی 3 نوجوان تھے، جو ٹیسٹ کیلئے پشاور آرہے تھے۔
ایس پی سٹی عتیق شاہ نے بتایا کہ واقعےمیں ملوث دونوں رائیڈر اہلکاروں کو گرفتار کرلیا گیا اور ان کے خلاف مقدمہ بھی درج کرلیا ہے، واقعےکی شفاف تحقیقات ہوں گے۔
یاد رہے جنوری میں اسلام آباد جی ٹین میں فائرنگ کاواقعہ پیش آیا تھا ، جہاں اے ٹی ایس اہلکاروں کی فائرنگ سے کار سوار نوجوان جاں بحق ہوگیا تھا ، ترجمان پولیس کا کہنا تھا کہ پولیس نےمتعدد بارجی 10تک گاڑی کاتعاقب کیا اور نہ رکنے پرگاڑی کے ٹائروں پرفائر کئےگئے، بدقسمتی سے 2 فائرگاڑی ڈرائیور کو لگ گئے جس سےاس کی موت ہوگئی۔
بعد ازاں گاڑی پرفائرنگ کرنے والے5اےٹی ایس اہلکاروں گرفتار کرکے مقدمہ درج کرلیا گیا تھا۔
