پاکستان میڈیکل کمیشن نے نیشنل لائسنسنگ ایگزامینیشن کے انعقاد کو کامیاب قرار دیتے ہوئے کہا ہے کہ کامیاب پاکستانی میڈیکل گریجویٹس کو فُل لائسنس فوری جاری ہو گا۔
اعلامیہ کے مطابق پاکستان میڈیکل کمیشن نے پہلی بار این ایل ای کا انعقاد کرایا ہے نیشنل لائسنسنگ ایگزامینیشن کا انعقاد 5 شہروں اسلام آباد، لاہور،پشاور، کوئٹہ،کراچی میں ہوا۔
ترجمان کا کہنا ہے کہ میڈیکل گریجویٹس کی رجسٹریشن این ایل ای پاس کرنےسےمشروط ہے این ایل ای پاس شدہ میڈیکل گریجویٹس پاکستان میں پریکٹس کرسکیں گے این ای ای اسٹیپ ون میں1470امیدوارشریک ہوئے، 1164 فارن، 306 لوکل میڈیکل گریجویٹس شریک تھے اور 1160امیدوارکامیاب ہوئے۔
ترجمان کے مطابق کامیاب پاکستانی میڈیکل گریجویٹس کوفُل لائسنس فوری جاری ہوگا نیشنل لائسنسنگ ایگزامینیشن کا انعقاد ہر سال 4بارہوگا اور شرکت نہ کرسکنےوالے 123امیدواروں سےدسمبرمیں امتحان لیا جائے گا پاس شدہ لسٹ اےفارن گریجویٹس کواسٹیپ ٹو کلیئرنس پرلائسنس دیاجائے گا جب کہ پاس شدہ لسٹ بی،سی فارن گریجویٹس کواسٹیپ ٹوپاس کرنےپرعبوری لائسنس جاری ہوگا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں