سوئی گیس نے صنعتوں کی اربوں روپے کی گیس چوری پکڑلی

سوئی سدرن گیس نے انکشاف کیا ہے کہ سندھ بھر میں 15 ماہ کے دوران صنعتوں نے 5.5 ارب کی گیس چوری کی ہے۔

تفصیلات کے مطابق ایس ایس جی سی کی جانب سے گیس کی صنعتی چوری کے اعداد و شمار جاری کر دیے ہیں جس میں بتایا گیا ہے کہ 15 ماہ کے دوران صوبہ سندھ کی صنعتوں نے 5.5 ارب روپے کی گیس چوری کی ہے۔

سوئی سدرن کا اپنے بیان میں کہنا تھا کہ صنعتکاروں سے سوا سال میں 1366 ملین مکعب فٹ گیس ریکور کی گئی۔

سب سے زیادہ 4.5 ارب کی گیس چوری کراچی سے پکڑی گئی، ایس ایس جی سی کے مطابق کراچی میں 849 صنعتوں پر چھاپے مارے گئے جب کہ 288 کے خلاف مقدمات درج ہوئے۔

کراچی چیمبرکے صدرطارق یوسف اور تاجر رہنما جاوید بلوانی نے سوئی سدرن کا دعویٰ مسترد کر دیا ہے۔ کراچی چیمبر نے کہا کہ سوئی سدرن کے خلاف حکومت اور عدالت دونوں جگہ رجوع کریں گے۔

Comments