The news is by your side.

Advertisement

سکھر: درخت کاٹنے کےتنازع پر جھگڑا، 6 افراد ہلاک

سکھر: نواب شاہ کے زمینی تنازعے پر جاں بحق افراد کی تدفین نہ ہوئی تھی کہ سکھر میں درخت کاٹنے کے جھگڑے نے 6 افراد کی زندگی کا خاتمہ کردیا ہے۔

پولیس ذرائع کے مطابق سکھر کی یونین کونسل تماچانی میں درخت کاٹنے کے تنازعے پر جھگڑا ہوا ، جس کے نتیجے میں چھ افراد ہلاک ہوگئے ہیں، واقعے کی اطلاع پر پولیس فوری طور پر جائے حادثے پر پہنچی اور لاشوں کو اسپتال منتقل کیا۔

پولیس کے مطابق جھگڑے میں ایک خاتون بھی زخمی ہوئیں، جنہیں طبی امداد کے سول اسپتال سکھر منتقل کردیا گیا ہے، فوری طور پر ہلاک افراد کے بارے میں مزید معلومات میسر نہ ہوسکی۔

دلخراش واقعے کے بعد پولیس نے متاثرہ علاقے کو گھیرے میں لیتے ہوئے ملزمان کی تلاش شروع کردی ہے۔

واضح رہے کہ سندھ میں دو روز کے درمیان یہ دوسرا واقعہ ہے، اس سے قبل نواب شاہ کے علاقے نواب ولی محمد کچے میں زمینی تنازعے پر دو قبائل کے درمیان فائرنگ کا تبادلہ ہوا تھا، جس کے نتیجے میں مذکورہ علاقے کے ایس ایچ او سمیت 6 افراد جاں بحق ہوئے تھے۔

یہ بھی پڑھیں: نواب شاہ واقعہ: گورنر سندھ نے ‘پولیس رٹ’ پر سوالات اٹھادئیے

افسوسناک واقعے کے بعد بھنڈ برادری نے لاشوں کو قومی شاہراہ پر رکھ کر احتجاج کیا جو تاحال جاری ہے، مظاہرین کا کہنا ہے کہ فائرنگ کے واقعےمیں ملوث بااثر افراد کے خلاف ایف آئی آر کا اندراج کیا جائے اور فوری طور پر ان کی گرفتاری عمل میں لائی جائے۔

Comments

یہ بھی پڑھیں