The news is by your side.

Advertisement

گٹکا مین کہے جانے پر سنیل شیٹھی برہم

معروف بالی ووڈ اداکار سنیل شیٹی گٹکا مین کہے جانے پر سوشل میڈیا صارف پر برہم ہوگئے، صارف نے گٹکے کا اشتہار کرنے پر معروف اداکاروں کو شرمندہ کیا اور غلطی سے سنیل شیٹھی کو بھی ٹیگ کردیا۔

بھارتی سوشل میڈیا صارفین گٹکے کے اشتہار میں کام کرنے پر اجے دیوگن، شاہ رخ خان اور اکشے کمار سے نالاں تھے اور ان تینوں بالی ووڈ اداکاروں کو تنقید کا نشانہ بنا رہے تھے تاہم غلطی سے ایک صارف نے اکشے کمار اور شاہ رخ خان کو تو ٹیگ کیا مگر اجے کی جگہ پر سنیل شیٹی کو ٹیگ کر ڈالا۔

اس پر سنیل شیٹی سوشل میڈیا صارف پر برس پڑے اور انہوں نے غصے میں ردعمل بھی دیا۔

اداکار نے لکھا کہ بھائی آپ اپنا چشمہ ایڈجسٹ کرلیں یا پھر بدل دیں۔

بعد ازاں مذکورہ صارف نے سنیل شیٹی سے معذرت کی اور پھر کہا کہ ان سے غلطی ہوئی ہے۔

مذکورہ صارف نے شاہ رخ خان، اکشے کمار اور اجے دیوگن کے لیے لکھا تھا کہ اس طرح کے اشتہارات میں کام کرنے پر آپ کے بچوں کو آپ پر شرمندہ ہونا چاہیئے۔

Comments

یہ بھی پڑھیں