عمران خان چیلنج پسند کرتے ہیں، انہیں مشکل سے لڑنا آتا ہے،سنیل گواسکر
The news is by your side.

Advertisement

عمران خان چیلنج پسند کرتے ہیں، انہیں مشکل سے لڑنا آتا ہے،سنیل گواسکر

نئی دہلی : سابق بھارتی کپتان سنیل گواسکر کا کہنا ہے کہ عمران خان چیلنج پسند کرتے ہیں، انہیں مشکل سے لڑنا آتا ہے، انھوں نے کہا تھا وہ بھارت کو میری موجودگی میں ہرانا چاہتے ہیں۔

تفصیلات کے مطابق سابق بھارتی کپتان سنیل گواسکر نے عمران خان کووزیر اعظم بننے پرمبارک باد دیتے ہوئے اپنے پیغام میں کہا عمران خان چیلنج پسند کرتے ہیں انہیں مشکل سے لڑنا آتا ہے۔

سنیل گواسکر کا کہنا تھا کہ عمران خان نے1986 میں ریٹائر نہ ہونے کا کہا تھا اور کہا تھا وہ بھارت کو میری موجودگی میں ہرانا چاہتے ہیں۔

یاد رہے بھارت کے سابق کرکٹر سنیل گواسکر نے عمران خان کی تقریب حلف برداری میں شرکت سے معذرت کرتے ہوئے نیک خواہشات کا اظہار کیا تھا اور کہا تھا عمران خان کا وزیراعظم بننا بڑا موقع ہے، توقع ہے پاک بھارت تعلقات کے نئے دور کا آغاز ہوگا۔

مزید پڑھیں : عمران خان کا وزیراعظم بننا بڑا موقع ہے، سنیل گواسکر

سنیل گواسکر کا کہنا تھا کہ عمران خان بھارتی عوام کو بہترجانتے ہیں، انھوں نے بھارت میں کافی وقت گزارا ہے، میری نیک خواہشات ان کے ساتھ ہیں۔

بھارتی کے سابق کرکٹ کا مزید کہنا تھا کہ ان کو کئی سال سے جانتا ہوں، عمران خان کا وزیراعظم بننا پاک بھارت تعلقات کیلئے اچھا موقع ہے۔

واضح رہے ایوان صدر میں عمران خان نے وزیراعظم کے عہدے کا حلف اٹھایا، صدرممنون حسین نے وزیراعظم عمران خان سے حلف لیا، اس موقع پر عمران خان نے سیاہ شیروانی زیب تن کی تھی۔

قومی اسمبلی نے پی ٹی آئی کے چیئرمین عمران خان کو ملک کا بائیسویں وزیراعظم منتخب کیا تھا، کپتان کوایک سو چھہتر اور ان کے مدمقابل نون لیگ کے صدر کو چھیانوے ووٹ ملے تھے۔

Comments

comments

یہ بھی پڑھیں