شوبز انڈسٹری کی معروف اداکارہ سنیتا مارشل کا کہنا ہے کہ پنجرہ کا اسکرپٹ پڑھنے کے بعد بچوں کے ساتھ اپنا رویہ تبدیل کرلیا۔
اے آر وائی ڈیجیٹل کے ڈرامہ سیریل ’پنجرہ‘ میں سنیتا مارشل، حدیقہ کیانی، عمیر رانا، فرقان قریشی، عاشر وجاہت، زوہاب خان، عینا آصف، احمد عثمان، ایمان خان، فریحہ جبین ودیگر نے اداکاری کے جوہر دکھائے۔
پنجرا کے پروڈیوسرز شازیہ وجاہت اور وجاہت رؤف ہیں جبکہ اس کی منفرد کہانی اسما نبیل نے لکھی ہے جبکہ ڈرامے کے ڈائریکٹر نجف بلگرامی ہیں۔
سنیتا مارشل نے گزشتہ دنوں ایک شو میں شرکت کی اور بتایا کہ پنجرا کا اسکرپٹ پڑھ کر بچوں سے رویہ تبدیل کیا تو حسن بھی کہنے لگے کہ تم میں بچوں کو لے کر تبدیلی آگئی ہے۔
انہوں نے کہا کہ میں یہ کہنے لگی کہ میں بچوں کے ساتھ یہ کیا غلطی کررہی ہو جو اسکرپٹ میں لکھا تھا کہ بچوں سے اونچی آواز میں بات کرنا، ہوم ورک مکمل نہ کرنے پر ڈانٹنا یہ بہت غلط ہے۔
سنیتا مارشل نے کہا کہ ’میں خوش ہوں کہ اس ڈرامے کا حصہ بنی۔‘
اداکارہ نے شوہر کے ساتھ تصاویر بھی شیئر کیں جس میں وہ انڈونیشیا کے شہر بالی کی تفریحی مقام پر موجود ہیں، مداحوں کی جانب سے ان کی تصاویر کو خوب سراہا جارہا ہے۔
