اسلام آباد : سپرنٹنڈنٹ اڈیالہ جیل نے بھی چیئرمین پی ٹی آئی کی بیٹوں سے فون پر بات کرانے سے انکار کردیا۔
تفصیلات کے مطابق چیئرمین پی ٹی آئی سے بیٹوں کی ٹیلیفون پر بات کرانے کے کیس کی سماعت ہوئی، آفیشل سیکرٹ ایکٹ عدالت کے جج ابولحسنات ذوالقرنین نے سماعت کی۔
سپرنٹنڈنٹ اڈیالہ جیل نے چیئرمین پی ٹی آئی کی بیٹوں سے فون پر بات کرانے سے انکار کردیا اور کہا کہ آفیشل سیکرٹ ایکٹ کے تحت گرفتار ملزمان کی بیرون ملک بات کرانے کی اجازت نہیں۔
- Advertisement -
عدالت نے قیدیوں سے فون پر بات کرانے سے متعلق جیل ایس او پی طلب کرلیے اور 18 اکتوبر تک ایس او پی جمع کرانے کا حکم دیتے ہوئے کیس کی سماعت ملتوی کردی۔
یاد رہے چیئرمین پی ٹی آئی کی بیٹوں سے ٹیلیفون پربات کرانے کی نئی درخواست دائر کی تھی ، جس پر عدالت نے سپرنٹنڈنٹ اڈیالہ جیل سے رپورٹ طلب کرلی تھی۔
