نئی دہلی : بھارتی وزیر خارجہ سشما سوراج نے عبدالستار ایدھی کے انتقال پر افسوس کا اظہار کیا ہے ۔
تفصیلات کے مطابق عبدالستار ایدھی کے انتقال پر بھارتی وزیر خارجہ سشما سوراج نے کا کہنا تھا کہ عبدالستار ایدھی نے زندگی انسانیت کی خدمت کیلئے وقف کر دی تھی ،عبدالستار ایدھی عظیم انسان تھے۔
I express my deep sense of grief on the demise of Abdul Sattar #EdhiSahab. He was a noble soul who dedicated his life in service of mankind.
— Sushma Swaraj (@SushmaSwaraj) July 8, 2016
My heartfelt condolences to the bereaved family and #Edhi Foundation.
— Sushma Swaraj (@SushmaSwaraj) July 8, 2016
گزشتہ روز محسن ِ انسانیت و فخرِ پاکستان عبد الستار ایدھی رضائے الہی سے انتقال کر گئے تھے، وہ گردے کے عارضے میں مبتلا تھے، ڈائیلائسس کے بعد انہیں سانس لینے میں دشواری محسوس ہوئی، جس کے بعد انہیں انتہائی نگہداشت کے وارڈ میں داخل کر دیا گیا تھا، جہاں اُنہیں وینٹی لیٹر کے ذریعے مصنوعی سانس دی جا رہی تھی اُن کے گردوں میں انفیکشن بڑھ گیا تھا۔
یاد رہے کہ گزشتہ اکتوبر میں عبدالستار ایدھی کی فاؤنڈیشن نے گیتا کو واپس لانے کے لئے وزیر خارجہ سشما سوراج کے ساتھ کام کیا تھا۔
گویائی اور سماعت سے محروم گیتا بارڈر کے قریب مندر میں اپنے والدین کیساتھ آئی تھی، بھیڑ میں گیتا اپنے گھروالوں سے بچھڑ کر پاکستان بارڈر پار کر گئی، جہاں پولیس نے گیتا کو پکڑ کر ایدھی کے حوالے کردیا تھا، گیتا پندرہ سال سے ایدھی فاؤنڈیشن میں مقیم ہے
مزید پڑھیں : گیتا کی واپسی: نریندرمودی، وزیراعظم پاکستان اورایدھی خاندان کے مشکور
نریندر مودی نے اپنے ٹویٹ میں یہ بھی کہا کہ ایدھی خاندان نے گیتا کے لئے جو کچھ کیا اس کا نعم البدل نہیں تاہم میں اظہار مسرت کرنے کے لئے ایدھی فاوٗنڈیشن کو ایک کروڑ روپے رقم دے رہا ہوں کہ وہ اس قسم کے کارخیر کرتے رہیں۔
What the Edhi family has done is too priceless to be measured but I am happy to announce a contribution of Rs. 1 crore to their foundation.
— Narendra Modi (@narendramodi) October 26, 2015
