چنیوٹ : استعمال شدہ پتی کو دوبارہ رنگ لگا کر فروخت کرنے والے ملزم کو گرفتار کرلیا گیا، پتی کو سستے بازاروں میں فروخت کیا جاتا تھا۔
تفصیلات کے مطابق چنیوٹ میں فوڈ اتھارٹی نے کارروائی کرتے ہوئے استعمال شدہ پتی کو دوبارہ رنگ لگا کر فروخت کرنے والے ملزم کو گرفتار کرلیا۔
ترجمان کا کہنا تھا کہ 2 من سے زائد استعمال شدہ رنگ کی گئی پتی برآمد کرلی گئی ہے، رنگ شدہ پتی کوسستےبازاروں میں فروخت کیا جاتا تھا۔
فوڈ اتھارٹی نے بتایا کہ لالیاں میں سستےبازارمیں سپلائی کے وقت کارروائی کی گئی۔
یاد رہے پنجاب فوڈ اتھارٹی نے سدھار کے قریب چراغ آباد میں مضر صحت’ ملاوٹی چائے پتی تیار کرنے والی فیکٹری پکڑلی تھی۔
پنجاب فوڈ اتھارٹی نے مالک کو گرفتار کر کے 9سو کلو ملاوٹی چائے اور دیگر سامان قبضہ میں لیکر تلف کردیا تھا۔
