وزیراعظم عمران خان کے خلاف تحریک عتماد کے سلسلے میں سپریم کورٹ کے حکم پر آج قومی اسمبلی کا اجلاس جاری ہے اور تاحال عدم اعتماد پر ووٹنگ نہیں ہوسکی ہے، پاکستان سیاست میں نہ صرف قوم دلچسپی لے رہی ہے بلکہ پڑوسی ملک بھارت میں بھی خوب چرچے ہورہے ہیں۔
معروف بھارتی اداکارہ سوارا بھاسکر نے پاکستان کی قومی اسمبلی کی بحالی اور ڈپٹی اسپیکر کے فیصلے کو کالعدم قرار دینے سے متعلق سپریم کورٹ آف پاکستان کے فیصلے کو سراہتے ہوئے ٹویٹر پر پیغام شیئر کیا۔
بھارتی اداکارہ نے اپنی ٹوئٹ میں کہا کہ ’ایسا لگتا ہے کہ پاکستان کی سپریم کورٹ اپنے ملک اور شہریوں کے لیے کھڑی ہے نہ کہ اپنی حکومت کے لیے۔‘
Looks like the Supreme Court of #Pakistan stood up for its country and citizens and not their government.. so apparently it is possible. Sigh!
— Swara Bhasker (@ReallySwara) April 8, 2022
سوارا کی یہ ٹوئٹ سوشل میڈیا پر وائرل ہے جس پر سوشل میڈیا صارفین اپنی اپنی رائے کا اظہار کررہے ہیں۔
یاد رہے کہ پاکستان کی سپریم کورٹ نے جمعرات کو اپنے تاریخی فیصلے میں وزیراعظم عمران خان کے خلاف تحریک عدم اعتماد کو مسترد کرنے کے ڈپٹی اسپیکر کے فیصلے کو غیر آئینی قرار دیتے ہوئے قومی اسمبلی کو بحال کرنے کا حکم دیا تھا۔
