ماہ اکتوبر کو بریسٹ کیسنر اور پھیپھڑوں کے کینسر کے مہینے کے طور پر منایا ہی جاتا ہے، مگر بہت ہی کم لوگ جانتے ہونگے کہ اس ماہ کو آنکھوں کی بیماریوں سے بچاؤ کے مہینے کے طور پر بھی منایا جاتا ہے۔
اے آر وائی نیوز کے معروف پروگرام باخبر سویرا میں ماہر امراض چشم ڈاکٹر نعمان ہاشوانی نے اہم گفتگو کی ، انہوں نے خاص طور پر خاتون کو متوجہ کرتے ہوئے کہا کہ ہمارے ملک میں خواتین میک اپ کا بہت استعمال کرتی ہیں ، بازاروں میں کم قیمت پر موجود میک اپ کا استعمال کرنے کے باعث وہ آنکھوں پر اثر انداز ہوتا ہے جوکچھ عرصے بعد ہماری آنکھوں کو نقصان پہنچانا شروع کردیتا ہے۔
ماہر امراض چشم نے ملک میں بڑتھی ہوئی اسموگ کو آنکھوں کے لئے انتہائی نقصان دہ قرار دیتے ہوئے کہا کہ اسموگ دراصل ہماری آنکھوں میں کیمکل انجریز کرتا ہے، محض پانی سے دھونے سے اور عام کالا چشمہ لگانا اسموگ سے بچاؤ کے لئے ناکافی ہے، آنکھوں کو اسموگ سے بچاؤ کے لئے کسی امراض چشم سے رجوع کرنے کے بعد چشمے کا استعمال فائدے مند ہے۔
میزبان نے ماہر امراض چشم سے سوال کیا کہ موبائل فونز اور قریب سے ٹی وی دیکھنے کے باعث آنکھ پر کیا اثر پڑتا ہے، جس کے جواب میں ڈاکٹر نعمان ہاشوانی نے بتایا کہ قریب سے موبائل اور ٹی وی دیکھنے کے نتیجے میں آنکھ ایک جگہ فوکس ہوجاتی ہے، جس کے باعث دور کی نظر کمزور ہوجاتی ہے اور چشمے کا استعمال کیا جاتا ہے۔
