برن: دنیا کے سب سے ترقی یافتہ ملک سوئٹزرلینڈ میں ایک گاؤں کا 90 فی صد حصہ برفانی تودے کی زد میں آ کر دفن ہو گیا۔
غیر ملکی میڈیا رپورٹس کے مطابق سوئٹزرلینڈ کا ایک پورا گاؤں لینڈ سلائیڈنگ کی زد میں آ گیا ہے، برفانی تودہ گرنے سے نوے فی صد گاؤں ملبے تلے دب گیا ہے۔
یہ واقعہ جنوبی سوئٹزرلینڈ کے پہاڑی گاؤں بلیٹن میں اس وقت پیش آیا جب ایک گلیشیئر ٹوٹ گیا، جس سے گاؤں کا بڑا حصہ برفانی تودے، مٹی اور پتھروں کے نیچے دب گیا ہے۔
لینڈ سلائیڈنگ کے خطرے کے پیشِ نظر مقامی انتظامیہ نے نہ صرف لوگوں بلکہ جانوروں کو بھی بروقت محفوظ مقامات پر منتقل کر دیا تھا۔ یہ پہلا موقع نہیں ہے جب سوئٹزرلینڈ میں کسی گاؤں کو لینڈ سلائیڈنگ سے بچانے کے لیے خالی کرایا گیا ہو، برائنز گاؤں کو گزشتہ برس برف کی چٹان گرنے کے پیشِ نظر خالی کرایا گیا تھا۔
صرف لفظ نسل کشی ہی بیان کر سکتا ہے کہ اسرائیل غزہ میں کیا کر رہا ہے، بیلجیم
ڈیزاسٹر زون سے لی گئی تصاویر میں ملبے کو پہاڑ کے نیچے پھسلتے ہوئے دکھایا گیا ہے، برچ گلیشیئر کے گرنے کے بعد گاؤں میں صرف چند چھتیں ہی دکھائی دے رہی تھیں۔
چوں کہ انجینئرز گلیشیئر کی پہلے ہی سے نگرانی کر رہے تھے اس لیے گرنے سے ایک ہفتہ قبل انخلا کے نوٹس جاری کر دیے گئے تھے، جس کی وجہ سے کوئی بڑا سانحہ رونما نہیں ہوا، ماہرین زلزلہ کے مطابق برفانی تودے کی طاقت 3.1 شدت کے زلزلے کے برابر تھی۔
