برن: سوئس حکومت نے خواتین کے برقع پہننے پر ایک ہزار ڈالر جرمانے کی سفارش کردی، جس کے باعث مسلمان پریشان ہیں۔
تفصیلات کے مطابق سوئٹزرلینڈ کی حکومت نے عوامی مقامات پر خواتین کے برقعہ پہننے پر پابندی عائد کرنے کی تیاری کرلی۔
عوامی مقامات پر چہرے کو ڈھانپنے پر 990 سوئس فرانکس یعنی ایک ہزارڈالر جرمانہ کرنے کا قانون تیار ہو گیا۔
- Advertisement -
سوئس حکومت نے ایک مسودہ قانون پارلیمنٹ کو بھیجا دیا ہے ، مسودے میں ہوائی جہاز کے ساتھ ساتھ سفارتی احاطے اور مذہبی مقامات پر چہرہ ڈھانپنے کی چھوٹ شامل ہیں۔
مسودہ میں کہا گیا ہے کہ آرٹسٹک پرفارمنس اور اشتہارت میں بھی چہرہ ڈھانپا جا سکے گا۔
واضح رہے سوئٹزرلینڈ کی آبادی کا پانچ فیصد حصہ مسلمانوں پر مشتمل ہے۔۔