The news is by your side.

ٹی 20 ورلڈ کپ: دفاعی چیمپئن آسٹریلیا کا سفر تمام، انگلینڈ ٹیم سیمی فائنل میں پہنچ گئی

سڈنی: آئی سی سی ٹی ٹوئنٹی ورلڈ کپ کے اہم میچ میں  انگلینڈ نے سری لنکا کو شکست دے دی۔

انگلینڈ نے سری لنکا کو ہرا کر سیمی فائنل میں جگہ بنانے میں کامیاب ہوگئی ہے، میگا ایونٹ میں دفاعی چیمپئن آسٹریلیا کاسفر تمام ہوگیا جبکہ سری لنکا اس ایونٹ میں پہلے ہی باہر ہوگئی تھی۔

سری لنکا نے انگلینڈ کے خلاف ٹاس جیت کر بیٹنگ کا فیصلہ کیا ہے۔سری لنکا نے پہلےکھیل کر 8 وکٹوں کے نقصان سے 141 رنز بنائے۔

141 رنز کے تعاقب میں انگلینڈ کی ٹیم 6 وکٹ کے نقصان پر 144 رنز اسکور کیے، انگلینڈ کے ایلکس ہیلز 47،  بین اسٹوکس 42 رنز بنا کرنمایاں رہے جبکہ سری لنکا کی جانب سے ہسارنگا، کمارا اور دھننجیا نے 2،2 وکٹیں حاصل کیں۔

انگلینڈ کی جانب سے عادل رشید کو عمد بولنگ پر پلیئرآف دی میچ قرار دیا گیا، انہوں نے سری لنکا کی 3 اہم وکٹیں حاصل کی۔

سری لنکن ٹیم کے پاتھم نسانکا نے45 گیندوں پر67 رنز اسکور کیے، بھانوکارا جاپکسے  22 اور کوشل مینڈس 18رنز بنا سکے، جبکہ ووڈکی 3،راشد ،ووکس، اسٹوکس اور کرن نے 1،1وکٹ لی۔

ٹی ٹوئنٹی ورلڈ کپ کا یہ میچ انگلش ٹیم کے لیے انتہائی اہم ہے کیونکہ اگر انگلینڈ ٹیم یہ جیتنے میں کامیاب ہوتی ہے تو  سیمی فائنل میں پہنچ جائے گی۔

اور اگر آج کا میچ سری لنکا جیت جاتی ہے تو دونوں ٹیموں کی اپنے وطن واپسی کا ٹکٹ کنفرم ہوگا ہوجائے گا۔

گروپ ون سے نیوزی لینڈ پانچ میچز میں 7 پوائنٹس کے ساتھ سیمی فائنل میں پہنچنے والی پہلی ٹیم بن گئی ہے، انگلینڈ آج کا میچ جیتنے کے بعد پوائنٹ ٹیبل پر دوسری پوزیشن حاصل کرتے ہوئے سیمی فائنل میں پہنچ گئی ہے، سری لنکا کی شکست کے بعد اب میزبان ٹیم ایونٹ سے باہر ہوگئی۔

گروپ ون سے سری لنکا، افغانستان اور آئرلینڈ کی ٹیموں کیلئے ایونٹ ختم ہو گیا تھا۔

Comments

یہ بھی پڑھیں