برسبین: آئی سی سی ٹی ٹوئنٹی ورلڈ کپ میں آج کے دوسرے میچ میں انگلینڈ نے نیوزی لینڈ کو20 رنز سے شکست دیدی، کیوی ٹیم 180 رنز کے تعاقب میں 159 رنز بنا سکی۔
https://twitter.com/T20WorldCup/status/1587407574432980993?s=20&t=NpLHX5pNNK1tkoactNSvCQ
تفصیلات کے مطابق برسبین میں کھیلے جانے والے اہم میچ میں انگلینڈ نے ٹاس جیت کر نیوزی لینڈ کو فیلڈنگ کی دعوت دی، انگلینڈ نے پہلے بیٹنگ کرتے ہوئے 6 وکٹوں کے نقصان پر 179 رنز بنائے، کپتان جوز بٹلر 73 رنز بناکر ٹاپ اسکورر رہے۔
https://twitter.com/ICC/status/1587377514170687490?s=20&t=yWvf6MTcE3Fi6SjMvPyzmQ
اس کے علاوہ ایلکس ہیلز 52، معین علی 5، لیام لیونگ اسٹون 20، ہیری بروکس 7 اور بین اسٹوکس 8 رنز بناکر آؤٹ ہوئے, سیم کورن اور ڈیوڈ ملان بالترتیب 6 اور 3 رنز بناکر ناٹ آؤٹ رہے۔
نیوزی لینڈ کی جانب سے لوکی فرگوسن نے 2 وکٹیں حاصل کیں جبکہ مچل سینٹنر، ٹم ساؤتھی اور ایش سوڈھی نے ایک، ایک وکٹ لی۔
https://twitter.com/T20WorldCup/status/1587349863905255426?s=20&t=gnSMjo2iKUOPr9ChlEr8yw
اس سے قبل آئی سی سی ٹی ٹوئنٹی ورلڈ کپ کے اہم میچ میں سری لنکا نے افغانستان کو 6 وکٹوں سے شکست دے دی جس کے ساتھ افغانستان کا ٹی توئنٹی ورلڈ کپ کا سفر ختم ہوگیا۔
