پاکستان کرکٹ ٹیم کے کپتان بابر اعظم جنہیں پوری قوم کی سپورٹ حاصل ہے اب انہیں حوصلہ دینے کے لیے ان کے والدین اور بھائی بھی امریکا پہنچ گئے ہیں۔
پاکستان کرکٹ ٹیم جو ٹی ٹوئنٹی ورلڈ کپ 2024 کا پہلا راؤنڈ کھیلنے کے لیے اس وقت امریکا میں موجود ہے اور جمعرات 6 جون کو ڈیلاس میں میزبان امریکا کے خلاف اپنی مہم کا آغاز کرے گی جس کے بعد نیویارک میں میگا ایونٹ کا سب سے بڑا مقابلہ پاک بھارت ٹاکرا ہوگا جس کا سب کو شدت سے انتظار ہے۔
میگا ایونٹ میں تیسری بار ٹیم کی قیادت کرنے والے بابر اعظم کو یوں تو پوری پاکستانی عوام کی حمایت حاصل ہے اب ان کا حوصلہ بڑھانے کے لیے کپتان کے والدین اور بھائی بھی امریکا پہنچ گئے ہیں۔
بابر اعظم جو اپنے کرکٹ کیریئر کے کئی فیصلے اپنے والد کی مشاورت سے کرتے ہیں اور بھائی بھی ان کی کامیابی کو اپنے مختلف اقدامات سے سراہتے رہتے ہیں۔ یہ دورہ انگلینڈ کے دوران بھی بابر اعظم کی سپورٹ کے لیے برطانیہ میں موجود تھے،
واضح رہے کہ پاکستان کرکٹ ٹیم گروپ اے میں شامل ہے اور وہ 6 جون کو ڈیلاس میں میزبان ٹیم امریکا، 9 جون کو نیویارک میں بھارت، 11 جون کو کینیڈا اور 16 جون کو آئرلینڈ کے خلاف میچ کھیلے گی۔
گروپ کی دو ٹاپ ٹیمیں سپر 8 مرحلے کے لیے کوالیفائی کریں گے اور ویسٹ انڈیز کے لیے اڑان بھریں گی۔
بابر اعظم پھلجڑی نہیں، مگر۔۔۔۔۔۔۔۔۔۔۔، رمیز راجا نے ایسا کیا کہہ دیا؟
