پرتھ: آئی سی سی ٹی 20 ورلڈ کپ میں زمبابوے نے پاکستان کو جیت کے لیے 131 رنز کا ہدف دیا ہے جس کے تعاقب میں پاکستان کی بیٹنگ جاری ہے۔
زمبابوے کی اننگز کے دوران فاسٹ بولر حارث رؤف کی گیند پر مڈل آرڈر بیٹر حیدر علی نے زمبابوین کھلاڑی کا آسان کیچ ڈراپ کردیا جس کی ویڈیو سوشل میڈیا پر وائرل ہورہی ہے۔
ویڈیو میں دیکھا جاسکتا ہے کہ ’زمبابوین کھلاڑی نے حارث رؤف کی آف کٹر پر شاٹ کھیلا جسے کیچ کرنے کے لیے جانے والے حیدر علی صحیح طریقے سے جج نہ کرسکے اور ہاتھوں کا کیچ گرا بیٹھے۔
پاکستان کی جانب سے حارث رؤف نے شاندار بولنگ کرتے ہوئے مقررہ اوورز میں 12 رنز دے کر ایک وکٹ حاصل کی۔
واضح رہے کہ ہدف کے تعاقب میں پاکستان کی تین وکٹیں 8 اوورز میں 37 رنز پر گرچکی ہیں۔
محمد رضوان 14، کپتان بابر اعظم 4 اور افتخار احمد 5 رنز بنا کر پویلین لوٹ گئے ہیں۔ زمبابوے کی جانب سے لک جونگوے، مزرابانی اور لوئس نے ایک، ایک وکٹ حاصل کی ہے۔
