ٹی 20 ورلڈ کپ میں عمان کے کھلاڑی عاقب الیاس نے چھکا لگایا جس کے بعد گیند سیدھی سوئمنگ پول میں جاگری۔
بارباڈوس میں کھیلے گئے میگا ایونٹ کے گروپ بی کے میچ میں آسٹریلیا نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 164 رنز بنائے، ہدف کے تعاقب میں عمانی ٹیم 20 اوورز میں 9 وکٹوں کے نقصان پر 125 رنز بناسکی۔
آیان خان 36 رنز بناکرنمایاں رہے، دیگر کھلاڑیوں میں مہران خان 27 ، عاقب الیاس نے 18 رنز بناسکے۔
تاہم 5.3 اوور میں عمان کے 23 رنز پر 2 کھلاڑی آؤٹ تھے جب عاقب الیاس نے مارکس اسٹونس کو بلند و بالا چھکا لگایا جس کے بعد گیند سیدھی سوئمنگ پول میں جاگری۔
ویڈیو میں دیکھا جاسکتا ہے کہ سوئمنگ پول میں موجود شائقین مسکرا رہے ہیں۔
آسٹریلیا کی جانب سے مارکس اسٹوائنس نے 3، مچل اسٹارک، ایڈم زمپا نے 2،2 وکٹیں حاصل کیں۔
دوسری جانب پوائنٹس ٹیبل پر عمان مسلسل دو شکستوں کے بعد گروپ بی میں آخری پوزیشن پر موجود ہے۔
