سڈنی: ٹی ٹوئنٹی ورلڈکپ کے اہم ترین میچ میں پاکستان نے جنوبی افریقا کو شکست دیتے ہوئے سیمی فائنل تک رسائی کی امیدیں برقرار رکھیں۔
تفصیلات کے سڈنی میں کھیلے جارہے ٹی ٹوئنٹی کے اہم ترین میچ میں پاکستان نے ڈک ورتھ لوئیس قانون کے تحت 33 رنز سے شکست دے دی ہے۔
پاکستان نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 185 رنز اسکور کیے۔
Dominant performance to seal a commanding win 💪#WeHaveWeWill | #T20WorldCup | #PAKvSA pic.twitter.com/6PCBGBXVWR
— Pakistan Cricket (@TheRealPCB) November 3, 2022
شاداب خان نے صرف 20 گیندوں پر طوفانی نصف سنچری اسکور کی جس میں 4 بلند و بالا چھکے اور تین چوکے شامل تھے، وہ 22 گیندوں پر 52 رنز بنا کر آؤٹ رہے۔
جنوبی افریقا کی جانب سے اینریچ نورٹجے نے 4، لونگی نگیڈی، وین پارنیل،کاگیسو ربادا اور تبریز شمسی نے ایک ایک وکٹ حاصل کی۔
یہ بھی پڑھیں: ’ حارث پاکستان کی ایک اچھی سلیکشن ہے‘
ہدف کے تعاقب میں جنوبی افریقا کی ٹیم نے 9 اوورز میں 4 وکٹ پر 69 رنز بنالیے تھے، جس کے بعد میچ بارش کے باعث روک دیا گیا۔
جنوبی افریقا نے اپنی اننگز کا آغاز کیا تو بارش نے مداخلت کی، دو بار بارش کی مداخلت کے بعد پروٹیز کو 14 اوورز میں 142 رنز کا ہدف ملا۔
تاہم پاکستانی بولنگ اٹیک نے نپی تلی بولنگ کرتے ہوئے انہیں 108 رنز پر محدود رکھا۔شاہین شاہ آفریدی نے3وکٹیں حاصل کیں، شاداب نے2،نسیم ،وسیم جونئیر اور حارث نے1،1وکٹ حاصل کی۔
