پاکستان اور انگلینڈ کے درمیان ورلڈ کپ سے قبل ٹی 20 سیریز جاری ہے، قومی ٹیم نے گزشتہ روز کھیلے گئے چوتھے ٹی 20 میچ میں انگلینڈ کو سنسنی خیز مقابلے کے بعد 3 رنز سے شکست دی تھی۔
چوتھے ٹی 20 میچ کے ہیرو فاسٹ بولر حارث رؤف تھے جنہوں نے اپنی تیز رفتار بولنگ سے انگلش بیٹرز کی وکٹیں اڑائیں، انہیں شاندار کارکردگی پر میچ کا بہترین کھلاڑی قرار دیا گیا تھا۔
حارث رؤف کی بولنگ اسپیڈ کی تعریف اکثر و بیشتر بولنگ کوچ شان ٹیٹ بھی کرتے رہتے ہیں جبکہ خود فاسٹ بولرز نے میڈیا سے گفتگو کرتے ہوئے کوچ کی تعریف کی تھی۔
SUPERSTAR HARIS RAUF 🔥🔥#PAKvENG | #UKSePK pic.twitter.com/79d9jjwFhF
— Pakistan Cricket (@TheRealPCB) September 25, 2022
فاسٹ بولر کے شاندار اسپیل پر سوشل میڈیا پر حارث رؤف ٹرینڈ بھی بن گئے تھے جہاں کرکٹ شائقین ان کی تعریف کررہے تھے۔
اب بولنگ کوچ شان ٹیٹ نے ورلڈ کپ سے قبل پاکستان کے بولنگ اٹیک سے دیگر ٹیموں کو خبردار کیا ہے۔
سماجی رابطے کی ویب سائٹ ٹویٹر پر شاہین شاہ آفریدی، حارث رؤف، نسیم شاہ اور محمد حسنین کی تصاویر شیئر کیں۔
انہوں نے لکھا کہ ’دنیا اس تیز رفتار بولنگ اٹیک کے لیے تیار نہیں ہے۔‘
The world ain’t ready for this pace attack⚡🦅🥶 pic.twitter.com/bMlLbztQUP
— Shaun Tait-🦘 (@shaun_tait32) September 27, 2022
واضح رہے کہ ٹی 20 ورلڈ کپ شروع ہونے میں دو ہفتے باقی ہیں اور میگا ایونٹ میں قومی ٹیم اپنا پہلا میچ 23 اکتوبر کو روایتی حریف بھارت سے کھیلے گی۔
