آئی سی سی ورلڈ کپ میں زمبابوے کے ہاتھوں اپ سیٹ شکست پر سابق فاسٹ بولر شعیب اختر ٹیم مینجمنٹ پر برس پڑے۔
پرتھ میں کھیلے گئے گروپ ٹو کے میچ میں زمبابوے نے پاکستان کو ایک رن سے شکست دے کر اپ سیٹ کردیا۔
قومی ٹیم کے 131 رنز کے تعاقب میں 8 وکٹوں کے نقصان پر 129 رنز بناسکی، سکندر رضا کو تین وکٹیں حاصل کرنے پر میچ کا بہترین کھلاڑی قرار دیا گیا۔
View this post on Instagram
قومی ٹیم کی شکست پر جہاں شائقین کرکٹ مایوس ہیں وہیں سابق کرکٹر شعیب اختر نے بھی قومی ٹیم کی مایوس کن کارکردگی پر ٹیم مینجمنٹ کو آڑے ہاتھوں لے لیا۔
شعیب اختر نے ویڈیو شیئر کرتے ہوئے کہا کہ ’زمبابوے کے ہاتھوں قومی ٹیم کو شرمناک شکست ہوئی ہے اور ایوریج لوگ سلیکٹ کرو اور ٹیم مینجمنٹ ایوریج سلیکٹ کرو۔‘
’ڈر ہے ورلڈ کپ میں پاکستان پہلے راؤنڈ میں ہی باہر نہ ہوجائے‘
انہوں نے کہا کہ ’شکست نے مجھے بہت مایوس کیا ہے ہم زمبابوے سے ہار گئے اور اب سیمی فائنل کے لیے کوالیفائی کرنا بھی ایسے ہوگیا ہے کہ جنوبی افریقہ ہار جائے یا پھر کوئی ہارے۔‘
Average mindset, Average results. Thats the reality, face it. pic.twitter.com/plLZ11Qx0Y
— Shoaib Akhtar (@shoaib100mph) October 27, 2022
شعیب اختر نے کہا کہ ’میں نے دو مہینے قبل ہی ویڈیو میں کہا تھا کہ جب آپ ایوریج لوگ سلیکٹ کرتے ہیں تو ایوریج نتیجہ ہی سامنے آتا ہے۔‘
ایک ٹویٹ میں سابق فاسٹ بولر نے لکھا کہ ’اگر زمبابوے ہے تو خود ہی ہوجائے گا سب کچھ؟ نہیں خود نہیں ہوتا کرنا پڑتا ہے۔‘
Agar Zimbabwe hai toh khud he ho jaaye ga sab kuch?
Nahi, khud nahi hota, kerna parta hai.— Shoaib Akhtar (@shoaib100mph) October 27, 2022
واضح رہے کہ قومی ٹیم ورلڈ کپ میں اپنا اگلا میچ نیدرلینڈز کے خلاف 30 اکتوبر کو کھیلے گی۔
