یوگنڈا نے پاپوا نیو گنی کو ٹی ٹوئنٹی ورلڈ کپ 2024 کے نویں میچ میں 3 وکٹ سے شکست دے کر ایونٹ میں پہلی کامیابی حاصل کرلی، یوگنڈا نے 18.2 اوورز میں ٹارگٹ پورا کرلیا۔
یوگنڈا نے امریکی ریاست روڈ آئی لینڈ کے شہر پروویڈنس میں کھیلے گئے میچ میں ٹاس جیت کرپہلے باؤلنگ کرانے کا فیصلہ کیا۔
اوپننگ بیٹر ٹونی اورا ایک اور اسد والا بغیر کسی رن کے آؤٹ ہوئے، پاپوا نیو گنی کی ٹیم 19.1 اوورز میں 77 رنز پر پویلین لوٹ گئی۔
حری حری 15، لیگا سیاکا اور کیپلن ڈوریگا 12-12 جبکہ چارلس امینی، نارمن وانوا اور سیسی باؤ نے 5-5 رنز بنائے۔
یوگنڈا کی اننگ کا آغاز بھی اچھا نہیں ہوا، اوپننگ بیٹر سائمن سیسازی ایک اور روجر مساکا بغیر کسی رن کے پویلین لوٹ گئے۔
یوگنڈا کے ریاضت علی شاہ نے ٹیم کی جیت میں اہم کردار ادا کرتے ہوئے 33 رنز کی اننگ کھیل کر ٹیم کی کامیابی میں اہم کردار ادا کیا۔
ٹی ٹوئنٹی ورلڈ کپ : پاکستان کا پہلا مقابلہ آج امریکا سے ہوگا
واضح رہے کہ گروپ سی میں شامل دونوں ٹیمز کو اپنے پہلے میچ میں شکست کا سامنا کرنا پڑا تھا۔
