طاہرالقادری کا15جون کوواپسی،17جون کو لاہورمیں دھرنے کااعلان -
The news is by your side.

Advertisement

طاہرالقادری کا15جون کوواپسی،17جون کو لاہورمیں دھرنے کااعلان

لاہور: پاکستان عوامی تحریک کے سربراہ ڈاکٹر طاہرالقادری نے پندرہ جون کو وطن واپسی اور سترہ جون کو سانحہ ماڈل ٹاون کو دو سال مکمل ہونے پر مال روڈ پر دھرنا دینے کا اعلان کردیا ہے۔

کینیڈا سے وڈیولنک پریس کانفرنس کرتے ہوئے ڈاکٹر طاہرالقادری نے 17 جون 2014ءکو کارکنوں کی شہادت کے خلاف دھرنا دینے کا اعلان کیا۔

انہوں نے حکومتی رویے اور تحقیقاتی عمل پر عدم اعتماد کا اظہار کرتے ہوئے آرمی چیف سے انصاف دلانے کی اپیل بھی کی۔

عوامی تحریک ڈاکٹر طاہرالقادری کا کہنا تھا کہ حکومت حالت نزاع میں ہے،حکمران اپنی مدت اقتدار پوری نہیں کرسکے گی۔

لند ن میں قیام کے دوران وزیراعظم نواز شریف کی عیادت کے امکان کو مسترد کرتے ہوئے ڈاکٹر طاہرالقادری نے بتایا کہ دھرنے میں دیگر جماعتوں کے رہنما بھی شریک ہوں گی۔

واضح رہے کہ گذشتہ برس 17 جون کو پولیس اور عوامی تحریک کے کارکنوں کے درمیان تصادم ہوا تھا جس میں عوامی تحریک کے 11 کارکن ہلاک اور سو سے زائد زخمی ہوگئے تھے، اس واقعہ کی عدالتی تحقیقات بھی کرائی گئیں اور یہ معاملہ لاہور ہائی کورٹ کے فل بنچ کے روبرو زیر سماعت ہے۔

Comments

comments

یہ بھی پڑھیں