تائیوان : مرکزی شہر میں 6.4 شدت کا زلزلے نے لگژری ہوٹل سمیت کئی عمارتوں کو شدید نقصان پہنچایا جب کہ مصروف شاہراہیں بھی اکھڑ گئیں۔
تفصیلات کے مطابق زلزلے کے جھٹکے تائیوان کے شہر ہوالین میں محسوس کیے جس کے باعث کئی عالیشان عمارتیں ایک جانب کو جھک گئیں اور سڑکوں ہائی ویز کو بری طرح نقصان پہنچا۔
بین الااقوامی میڈیا کے مطابق افسوسناک واقعے میں کسی جانی نقصان کی اطلاع نہیں ہے تاہم لگژری ہوٹلز سمیت کئی عمارتوں کو شدید نقصان پہنچا جس میں مقیم افراد کو محفوظ مقام پر منتقل کیا جا رہا ہے جن کی تعداد 30 لے لگ بھگ بتائی جا رہی ہے۔
زلزلہ اتنا شدید تھا کہ لوگ اپنے گھروں سے باہر نکل آئے اور کھلے میدانوں میں جائے پناہ ڈھونڈی جب کہ نقصان پہنچنے والی عمارتوں میں مقیم افراد نے زمین پر لیٹ کر اپنی جانیں بچائیں۔
تائیوان میں جس جگہ زلالہ آیا وہ دو زمینی پلیٹوں پر قائم ہے جن میں آنے والی تغیر نے زمین کو ہلا کر رکھ دیا ہے اور اس وقت پورے شہر میں خوف کی فضاء قائم ہے لوگ سہمے ہوئے۔
