آگرہ: پولیس نے ایک ایسے ہندو انتہا پسند کو عین موقع پر روکا جو اپنے تئیں تاج محل کو ’’پاک‘‘ کرنے کے لیے گنگا جل اور گائے کا گوبر لے کر آیا تھا۔
بھارتی میڈیا رپورٹس کے مطابق آگرہ پولیس نے ایک ہندو انتہا پسند کی گنگا جل اور گائے کے گوبر سے تاج محل کو ’’پاک‘‘ کرنے کی کوشش ناکام بنا دی، داخلی دروازے پر سیکیورٹی اہلکاروں نے اسے روک دیا۔
ہندو انتہا پسند کا مضحکہ خیز دعویٰ تھا کہ وہ تاج محل دراصل ایک ہندو مندر ہے، گائے کا گوبر لانے والے شخص کے روکے جانے کی ایک ویڈیو بھی سوشل میڈیا پر شیئر کی گئی ہے۔
سڑک پار کرنے والی لڑکی کے ساتھ ہولناک حادثہ، کمزور دل افراد ویڈیو نہ دیکھیں
دراصل چند دن قبل ایک ویڈیو سامنے آئی تھی جس میں ایک سیاح کو تاریخی مقبرے کے احاطے کے اندر پیشاب کرتے ہوئے دیکھا گیا تھا۔ گنگا جل لے کر آنے والے ہندو کا کہنا تھا کہ اس حرکت سے تاج محل کی بے حرمتی ہوئی ہے اور اسے پاک کرنے کی ضرورت ہے۔
Agra, UP: A Hindu activist attempted to purify the Taj Mahal with cow dung and Ganga water, claiming the monument is a Hindu temple. However, he was stopped by security pic.twitter.com/sHMCr3AIwm
— IANS (@ians_india) September 15, 2024
یہ پہلا واقعہ نہیں ہے جب کسی نے دعویٰ کیا ہو کہ تاج محل ایک ہندو مندر ہے، مختلف افراد نے اس طرح کے دعوے کیے ہیں، پچھلے ماہ بھی ایک شخص نے تاج محل کے اندر ایک مقبرے پر گنگا جل چھڑکا تھا۔
