سابق وفاقی وزیر سیفران اور مذہبی امور سینیٹر طلحہ محمود کا کہنا ہے کہ نالائقی اور کرپشن کی وجہ سے ہم سیاسی طور پر پیچھے چلے گئے ہیں۔
جے یو آئی رہنما سینیٹر طلحہ محمود نے اے آر وائی نیوز کو خصوصی انٹرویو میں ملک کی موجودہ سیاسی صورتحال پر گفتگو کرتے ہوئے کہا کہ ملک میں کرپشن کا بازار گرم ہے۔ نالائقی اور کرپشن کی وجہ سے ہم سیاسی طور پر پیچھے چلے گئے۔
سابق وفاقی وزیر کا کہنا تھا کہ بانی پی ٹی آئی کے خلاف تحریک عدم اعتماد کی بھی کوئی ضرورت نہیں تھی جب کہ اس کے بعد قائم ہونے والی 13 جماعتوں کی اتحادی حکومت کی کارکردگی بھی اطمینان بخش نہیں تھی۔
سینیٹر طلحہ محمود نے کہا کہ سیاسی جماعتوں کو فنڈز کی ضرورت ہوتی ہے لیکن مجھے جے یو آئی کی اے ٹی ایم مشین کہنا غلط ہے۔
’عافیہ صدیقی نے بتایا امریکی جیل میں کئی مرتبہ زیادتی کی گئی‘
واضح رہے کہ اسی انٹرویو میں انہوں نے امریکی جیل میں قید ڈاکٹر عافیہ صدیقی سے حالیہ ملاقات کے حوالے سے گفتگو کرتے ہوئے روح فرسا انکشافات اور ان پر امریکی حکام کے انسانیت سوز مظالم کی داستان بھی سنائی۔
