The news is by your side.

Advertisement

افغان طالبان نے برطانوی پاسپورٹ والے داعش ریکروٹ پکڑ لیے: دی گارجین کا انکشاف

کابل: برطانوی اخبار دی گارجین نے انکشاف کیا ہے کہ افغان طالبان نے داعش کے 2 ریکروٹوں کو پکڑا ہے، جن میں ایک کے پاس برطانوی پاسپورٹ تھا۔

تفصیلات کے مطابق امریکا کے افغانستان سے انخلا کے بعد داعش میں عالمی بھرتی کی کوشش کا پہلا واقعہ سامنے آیا ہے، دی گارجین نے ایک رپورٹ میں کہا ہے کہ طالبان نے داعش کے 2 مشتبہ برطانوی ریکروٹوں کو افغان سرحد پر پکڑا ہے۔

داعش میں بھرتی دونوں برطانوی شہریوں کے پاس پاسپورٹ تھا، دونوں شہریوں کو ازبکستان سے ملنے والی اطلاعات کے بعدگرفتار کیا گیا جب وہ گزشتہ موسم خزاں میں شمالی سرحد سے افغانستان میں داخل ہو رہے تھے۔

ان میں سے ایک کے پاس برطانوی دوسرے کے پاس یورپی پاسپورٹ تھا، دی گارجین نے طالبان ذرائع کے حوالے سے لکھا کہ گرفتار افراد سے 10 ہزار پاؤنڈ اور نائٹ وژن چشمے بھی برآمد کیے گئے۔

واضح رہے کہ سیکڑوں برطانوی شہری شام اور عراق میں داعش کے تحت رہنے کے لیے گئے تھے، لیکن یہ پہلا موقع ہے جب برطانیہ کے شہریوں کو مبینہ طور پر افغانستان میں اس گروپ میں شامل ہونے کی کوشش میں روکا گیا ہے، اور طالبان کے اقتدار سنبھالنے کے بعد آئی ایس میں بین الاقوامی بھرتی کی کوشش کا یہ پہلا واقعہ ہے۔

Comments

یہ بھی پڑھیں