site
stats
خیبر پختونخواہ

پولیس چیک پوسٹ پر حملہ کرنے والا طالبان کمانڈر مقابلے میں ہلاک

بٹگرام : پولیس چیک پوسٹ پر حملہ کرنے والے کالعدم تحریک طالبان کا مطلوب کمانڈر حافظ نثار کو بٹگرام پولیس نے مقابلے کے بعد میں مارا گیا جب کہ اس کے ساتھی کو زخمی حالت میں گرفتار کر لیا گیا۔

میڈیا رہورٹس کے مطابق پولیس نے خفیہ اطلاع پر بٹگرام میں پولیس کی بھاری نفری کے ساتھ علاقہ میں آپریشن کیا،آپریشن کے دوران پولیس اور دہشت گردوں میں دوطرفہ فائرنگ کا تبادلہ ہوا تاہم جوابی فائرنگ سے ایک شخص ہلاک ہو گیا

بعد ازاں ہلاک ہونے والے شخص کی شناخت حافظ نثار کے نام سے ہوئی ،حافظ نثار کالعدم تحریک طالبان شانگلہ تورغر کا کمانڈر تھا۔

اس موقع پر ڈی پی او راجہ صبور خان نے خبر کی تصدیق کرتے ہوئے بتایا ہے کہ ہلاک ہونے والا ملزم حافظ نثا ر پولیس کو مطلوب تھا اورصوبائی حکومت نےا سکے سر کی قیمت 10 لاکھ روپے مقرر تھی۔

ذرائع کے مطابق طالبان کمانڈر حافظ نثار نے گزشتہ روز 2 ساتھیوں کے ساتھ ملکر پولیس چیک پوسٹ پر حملہ کیا تھا جس سے ایک پولیس اہلکار جاں بحق اور دوسرا زخمی ہو گیا جس کے بعد وہ پولیس سے اسلحہ چھین کر فرار ہو گئے تھے تاہم آج ملزمان کے قبضے سے چھینا گیا اسلحہ بھی برآمد کیا گیا ہے۔

ڈی پی او راجہ صبور خان کا کہنا تھا کہ گرفتار دہشت گرد کو تفتیش کیلئے نامعلوم مقام پر منتقل کردیا گیا ہے جہاں ملزم سے تحقیقات جاری ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top