راولپنڈی: تندور مالکان نے آٹے کی قیمتوں میں ہوش رُبا اضافے کے خلاف ڈی چوک جانے کا اعلان کر دیا ہے۔
تفصیلات کے مطابق نان بائی ایسوسی ایشن کے صدر شفیق قریشی کا کہنا ہے کہ ڈیڑھ ماہ میں آٹا، میدہ اور فائن کے ریٹ بڑھ چکے ہیں، اگر ریٹ کم نہ ہوئے تو 5 مئی کو شٹر ڈاؤن کریں گے۔
نان بائی ایسوسی ایشن کا کہنا ہے کہ حکومت اور انتظامیہ تک آواز پہنچائی گئی لیکن کوئی فائدہ نہیں ہوا، جو بوری 3 ہزار کی ملتی تھی اب 13 ہزار روپے میں مل رہی ہے۔
- Advertisement -
تندور مالکان نے اعلان کیا کہ وہ ڈی چوک جائیں گے، لیکن ان کا کوئی سیاسی ایجنڈا نہیں ہے، ان کا مؤقف تھا کہ بجلی اور گیس کی مد میں ٹیکس لیا جا رہا ہے مگر سہولیات نہیں دی جا رہیں۔