پاکستانی ڈرامہ انڈسٹری کے سینئر اداکار تنویر جمال کینسر کے باعث شدید علیل ہوگئے انہیں جاپان کے اسپتال میں داخل کرادیا گیا ہے۔
لیجنڈری اداکار تنویر جمال گزشتہ ماہ مئی میں دوبارہ کینسر کی تشخیص ہوئی جس کے بعد وہ علاج کی غرض سے جاپان منتقل ہوگئے تھے اور اب نہیں شدید علیل ہونے کے بعد اسپتال منتقل کردیا گیا ہے۔
تنویر جمال کی شدید علیل حالت کی ویڈیوز سوشل میڈیا پر وائرل ہوگئیں جن میں انہیں انتہائی کمزور حالت میں ویل چیئر پر بیٹھا ہوا دیکھا جا سکتا ہے۔
تنویر جمال کو سانس لینے میں شدید دشواری کا سامنا ہے جس وجہ سے انہوں نے چہرے پر گیس ماسک بھی لے رکھا ہے۔
اداکار کے قریبی ذرائع کا حوالہ دیتے ہوئے بتایا کہ ان میں پھیپھڑوں کے کینسر کی تشخیص ہوئی ہے جس وجہ سے انہیں سانس لینے میں بھی دشواری کا سامنا ہے۔
ذرائع کے مطابق تنویر جمال میں اسٹیج فور کے کینسر کی تشخیص ہوئی ہے اور وہ جاپان منتقل ہونے سے قبل پاکستان میں بھی بیماری کا علاج کرواتے رہے ہیں۔
نویر جمال کے پاس جاپانی شہریت بھی ہے اور وہاں اہل خانہ کی رہائش کی وجہ سے وہ ہر چند ماہ بعد جاپان جاتے ہیں۔
واضح رہے کہ تنویر جمال ابتدائی طور پر 2016 میں بھی کینسر کا شکار ہوئے تھے تاہم بعد ازاں وہ صحت یاب ہوگئے تھے لیکن گزشتہ برس سے ان کی صحت ناساز تھی۔
پہلے ڈرامے کی کامیابی کے بعد تنویر جمال پی ٹی وی کے دیگر متعدد مشہور ڈراموں ’جناح سے قائد، سمجھوتا، بابر، انتہا، جنم جلی اور جلتے سورج‘ سمیت 90 کی دہائی کے دیگر مقبول ڈراموں میں بھی کام کیا اور کم وقت میں اپنی منفرد پہنچان بنائی۔
تنویر جمال نے 1990 سے قبل ہدایت کار کاظم پاشا کے ڈرامے ’جانگلوس‘ سے کیریئر کا آغاز کیا تھا اور انہیں پہلے ہی ڈرامے سے شہرت ملی۔
