تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بلند و بالا چھکے کس طرح مارنا سیکھے؟ اعظم خان نے بتادیا

کراچی: قومی ٹیم کے سابق کپتان معین خان کے بیٹے اعظم خان نے بلند و بالا چھکے مارنے کا راز بتادیا۔

تفصیلات کے مطابق نیشنل ٹی ٹوینٹی کپ میں سندھ کی نمائندگی کرنے والے پاور ہٹر اعظم خان نے بڑی ہٹ مارنے کے بارے میں گفتگو کرتے ہوئے کہا کہ انہوں نے بلند و بالا چھکے ’ٹیپ بال‘ کرکٹ سے سیکھے ہیں، ٹیپ بال کرکٹ سے ٹی ٹوینٹی کرکٹ میں کافی مدد ملتی ہے۔

اعظم خان نے بتایا کہ وہ نیٹ پریکٹس کے دوران بڑی ہٹ مارتے ہوئے کافی لطف اندوز ہوتے ہیں، جب میں گیند کو باؤنڈری لائن کے پار پھینکتا تو بڑی خوشی ملتی ہے۔

واضح رہے کہ اعظم خان نیشنل ٹی ٹوینٹی کپ کی 9 اننگز میں 31.75 کی اوسط سے 254 رنز بناچکے ہیں، انہوں نے 20 چوکے اور 19 چھکے لگائے ہیں۔

اعظم خان نے ناردرن کے خلاف 25ویں میچ میں کپتان سرفراز احمد کے ساتھ شراکت داری قائم کرتے ہوئے شاندار 88 رنز کی اننگز کھیلی اور اپنی ٹیم کو سیمی فائنل میں رسائی دلوائی۔

علاوہ ازیں اعظم خان کا مزید کہنا تھا کہ انہیں ایک شناخت دینے پر اپنے والد پر فخر ہے اور وہ ان کے اور ان کے چچا ندیم خان کے نقش قدم پر چلتا ہے جو مستقبل قریب میں بھی پاکستان کی نمائندگی کرتے ہوئے ٹیسٹ کرکٹ کھیل چکے ہیں۔

Comments

- Advertisement -