پاکستانی ڈرامہ انڈسٹری کی سینئر اداکارہ صبا فیصل نے بیٹے سلمان فیصل اور بہو نیہا سے لاتعلقی کے اعلان کے بعد معنی خیز پوسٹ شیئر کردی۔
اے آر وائی ڈیجیٹل کے ڈرامہ سیریل ’تقدیر‘ میں سمیع خان (اسد) کی والدہ کا کردار نبھانے والی اداکارہ صبا فیصل نے انسٹاگرام پر معنی خیز پوسٹ شیئر کرتے ہوئے لکھا کہ ’اپنی زندگی کے کسی دن پر کبھی افسوس نہ کریں۔‘
انہوں نے لکھا کہ ’اچھے دن خوشیاں دیتے ہیں تو برے دن تجربہ دے جاتے ہیں۔‘
صبا فیصل نے مزید لکھا کہ ’برے دن سبق دیتے ہیں اور بہترین دن یادیں دیتے ہیں۔
View this post on Instagram
سینئر اداکارہ کی پوسٹ پر سوشل میڈیا صارفین کی جانب سے پسند کیا جارہا ہے اور ان کے لیے تعریفی کمنٹس بھی کیے جارہے ہیں۔
ایک صارف نے لکھا کہ ’صحیح کہا برے دن اس بات کی وضاحت کریں گے کہ اس وقت کون آپ کے ساتھ کھڑا ہے۔‘ دوسرے صارف نے لکھا کہ ’ہم چاہتے ہیں کہ وہ ہمیں اکیلا چھوڑ دیں لیکن وہ ایسا نہیں کرتے۔‘
یہ پڑھیں: صبا فیصل کا بیٹے اور بہو سے تعلقات ختم کرنے کا اعلان
تیسرے صارف نے لکھا کہ ’سچ کہا لیکن بعض اوقات وہ لوگ جو ہمیشہ نیچا دکھاتے ہیں وہ واقعی پریشانی کا باعث بنتے ہیں۔‘
یاد رہے کہ سینئر اداکارہ صبا فیصل نے گزشتہ دنوں انسٹاگرام پر ویڈیو شیئر کرتے ہوئے بیٹے سلمان فیصل اور بہو نیہا سے تعلقات ختم کرنے کا اعلان کیا تھا۔