site
stats
سندھ

ٹارگٹ کلرزاہد ملرکی تفتیشی رپورٹ، کئی افراد کے قتل کا اعتراف

کراچی : محکمہ انسداد دہشت گردی کے ہاتھوں کورنگی سے گرفتار ہونے والے ٹارگٹ کلر زاہد ملر کی تفتیشی رپورٹ اے آروائی نیوز نےحاصل کرلی۔ ملزم نے دوران تفتیش کئی افراد کو قتل کرنے کا اعتراف کیا ہے۔

تفصیلات کے مطابق کراچی کے علاقے کورنگی سے محکمہ انسداد دہشت گردی نے ٹارگٹ کلر زاہد ملر کو گرفتارکیا تھا۔

ملزم کا تعلق ٹارگٹ کلررئیس ماما گروپ سے رہا ہے۔ تفتیشی رپورٹ کے مطابق زاہد ملرنے سال دوہزار گیارہ میں تین کلاشنکوف عرفان لارا کو دیں۔

عرفان لارا نے اسلحہ ایاز، پپو، کاشف اوراخلاق کو دیا۔ اسلحے سے بخشو اور پپو سمیت چار افراد کو قتل کیا گیا۔ تفتیشی رپورٹ کے مطابق ملزم نے اعتراف کیا کہ یونٹ انچارج عرفان لارا کے کہنے پر مخالف گروپ کے لوگوں کوقتل کیا۔

رپورٹ کے مطابق ناصرکالونی اجمیری مسجد کے پیچھے بابل میراثی نامی شخص کو قتل کیا۔ ملزم زاہد ملر نے اعتراف کیا کہ چائنا کٹنگ میں ملوث ملزم شاہ نواز کو ساتھیوں کے ساتھ مل کرقتل کیا۔ شاہنواز سے ساتھی کالامنا اور ساجد شٹرو کا پلاٹ پرجھگڑا چل رہا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top